289 Şagirdin Nəticəsi Ləğv Olundu

Lisey və gimnaziyalara keçirilən mərkəzləşdirilmiş qəbul imtahanlarında uyğunsuzluqlar aşkar olunub. Təhsil İnstitutunun yaratdığı komissiya əlavə qiymətləndirmə apararaq nəticələri bərpa və ya ləğv edib.

INFOQRAF

İyul 29, 2025 - 03:55

Oktyabr 27, 2025 - 13:34

0 0

Lisey və gimnaziyalara keçirilən mərkəzləşdirilmiş qəbul imtahanlarının nəticələrinin təhlili zamanı müəyyən olunan uyğunsuzluqların əlavə araşdırılması davam etdirilir.

İnfoqraf.com xəbər verir ki, bu barədə Təhsil İnstitutundan bildirilib.

Məlumata görə, bu məqsədlə ARTİ-də xüsusi komissiya yaradılıb və komissiya tərəfindən ilkin olaraq nəticələrində uyğunsuzluq müşahidə edilən şagirdlərin əlavə qiymətləndirilməsi həyata keçirilib.

Sözügedən komissiya tərəfindən 14–18 iyul tarixlərində valideynlərlə görüşlər təşkil edilib, ümumilikdə 343 şagird əlavə qiymətləndirməyə cəlb olunub. Təkrar qiymətləndirmə zamanı şagirdlərə əsas imtahanda təqdim edilmiş suallarla eyni və ya oxşar səviyyədə bilik, bacarıq və səriştələri ölçən tapşırıqlar verilib.

Əlavə qiymətləndirmənin nəticələrinə əsasən, 54 şagirdin imtahan nəticələri bərpa edilib, 289 şagirdin nəticələri isə əsas imtahan nəticələri ilə ciddi uyğunsuzluq təşkil etdiyi üçün ləğv olunub. Bu barədə məlumat yaxın günlərdə şagirdlərin şəxsi kabinetlərində yerləşdiriləcək. Ümumilikdə lisey və gimnaziyalara qəbul imtahanında 26619 şagird iştirak edib.

Qeyd edək ki, nəticələrdə aşkar edilmiş uyğunsuzluqların araşdırılması komissiya tərəfindən sistemli şəkildə davam etdirilir.

Teqlər:

INFOQRAF Founder & Digital Strategist at Infoqraf | Empowering Your Tech Journey Body Text: "Hi, I’m the creator of Infoqraf, a platform dedicated to simplifying the complex world of technology through data-driven insights and visual storytelling. With a passion for Artificial Intelligence, digital productivity, and emerging tech trends, I started this project to help users navigate the rapidly evolving digital landscape. At Infoqraf, my mission is to transform 'dry' technical data into actionable knowledge. Whether it’s finding the best AI tools to automate your workflow or providing step-by-step guides to solve digital challenges, I focus on delivering content that is both high-quality and easy to digest. With years of experience exploring the intersection of software and efficiency, I am committed to bringing you the most accurate, up-to-date, and 'infographic-style' tech reviews. Let’s build a smarter, more productive digital future together."